මෙල්බන් නගරයේ ස්ථාන රැසකට අද දිනයේදී කුණාටු අවධානමක් පැවතිය හැකි බවට කාලගුණ අංශ අනතුරු අගවනවා.
ඩැන්ඩිනොන්ග් – ජීලොංග් – මෙල්බන් නාගරික කලාපය ඇතුලු ප්‍රදේශ ගණනාවක් ඒ අතර වන බව සඳහන්.
අද පෙරවරුවේ පැවති ධාරාණිපාත වර්ෂා තත්වය හමුවේ මෙල්බන් නගරයේ මාර්ග කිහිපයක් ජලයෙන් යටවී පැවති බවටයි වාර්තා වන්නේ.
සිඩ්නි නගරයටද ඉදිරි පැය කිහිපය තුළ ධාරාණිපාත වර්ෂා තත්වයක් අපේක්ෂා කෙරෙනවා.
මේ අතර දකුණු ඔස්ට්‍රේලියාවේ ෆ්ලින්ඩර්ස් රේන්ජ් කලාපයට අද පෙරවරුවේ සුලු භූචලනයක් හටගෙන තිබෙනවා.
එය රික්ටර් මාපකයේ සටහන් වී ඇත්තේ ඒකක 4.8 ක් ලෙසයි.
