සරණාගතභාවය ඉල්ලුම් කල 100,000 ක් තවමත් ඔස්ට්‍රේලියානු ප්‍රධාන භූමිය තුළ

දේශපාලන රැකවරණය සහ සරණාගතභාවය ඉල්ලුම් කල 100,000 කට ආසන්න පිරිසක් තවමත් ඔස්ට්‍රේලියානු ප්‍රධාන භූමිය තුළ රැඳී සිටින බවට තහවුරු වී තිබෙනවා.

මෙම පිරිසෙන් 72,875 දෙනෙකුගේ ඉල්ලීම් ප්‍රතික්ෂේප වී ඇති නමුත් ඔවුන් මෙතෙක් පිටුවහල් කර නොමැති බව සඳහන්.

39,625 දෙනෙකු පමණ තම ඉල්ලීම් පිළිබඳ තීරණයක් අපේක්ෂාවෙන් පසුවන බවයි ස්වදේශ කටයුතු දෙපාර්තමේන්තු සංඛ්‍යාලේඛණ පවසන්නේ.

2014 සිට 2019 දක්වා කාලය තුළ දේශපාලන රැකවරන පතා මෙරටට පැමිණ ඇති පුද්ගලයන් සංඛ්‍යාව 80,000 කට අධිකයි.

මේ අතර වත්මන් ලේබර් පක්ෂ රජයේ ලිහිල් ප්‍රතිපත්තිය හමුවේ අනවසර සංක්‍රමණිකයන් 13,000 ක් පමණ ගතවූ වසරක පමණ කාලය තුළදී ගුවන් මාර්ගයෙන් ඔස්ට්‍රේලියාවට පැමිණ ඇති බවට ලිබරල් සන්ධානය චෝදනා කරනවා.

කෙසේවෙතත් ලේබර් පක්ෂය අවධාරණය කරන්නේ පැවති ස්කොට් මොරිසන් පාලනය විසින් 140,000 කට ආසන්න සරණාගත අයදුම්පත් සළකා බැලීම ප්‍රමාද කිරීම පවතින ප්‍රමාදයට ප්‍රධාන හේතුව වී ඇති බවයි.

මහ සයුර මැද අසාධ්‍ය වූ ධීවරයා බේරා ගත් හෙලිකොප්ටර් මෙහෙයුම

ධීවර කටයුතුවල නිරත වෙමින් සිටියදී සාගරයේ සිටින සර්ප විශේෂයක දෂ්ඨනයක් හේතුවෙන් අසාධ්‍ය තත්වයට පත්වූ ධීවරයෙකු ප්‍රතිකාර සඳහා හෙලිකොප්ටර් මගින් ගොඩබිම වෙත රැගෙන විත් තිබෙනවා.

Read More »

වික්ටෝරියා ප්‍රාන්තයට ගේන්න ගිය මුදල් තොගය මග නතර වෙයි

ගෝල්ඩ් කෝස්ට් සිට මිල්ජුරා (Mildura) දක්වා ගමන් කිරීමට නියමිතව තිබූ ගුවන් යානයකට ඩොලර් 830,000ක මුදල් රැගෙන යාමට උත්සාහ කළ බව කියන පුද්ගලයෙක් ආරක්ෂක අංශ විසින් අත්අඩංගුවට ගෙන තිබෙනවා.

Read More »