ලේබර් රජයේ ප්‍රධාන Aged Care පොරොන්දුවක් ඉටු නොවන ළකුණු

වසර මැද වනවිට සියලුම Aged Care මධ්‍යස්ථානවල පැය 24 පුරා ලියාපදිංචි හෙදියන් යෙදවීමේ රජයේ සැලසුම ක්‍රියාත්මක කිරීම ප්‍රායෝගිකව අසීරු බවට ෆෙඩරල් රජය විසින් පිළිගෙන තිබෙනවා.

දැනට මෙරට සිටින ලියාපදිංචි හෙදියන් සහ Aged Care සේවකයන් සංඛ්‍යාව ප්‍රමාණවත් නොවීමයි මීට ප්‍රධාන හේතුව වී ඇත්තේ.

Aged Care භාර අමාත්‍ය අනිකා වෙල්ස් සඳහන් කලේ Aged Care මධ්‍යස්ථාන අතුරින් සියයට 80 ක පමණ මේ වනවිට එම ඉලක්කය සපුරාගෙන අවසන් බවයි.

ජූලි පළමුවනදා වනවිට තවත් සියයට 09 ක් පමණ එම ඉලක්කයට ළගාවනු ඇතැයිද අමාත්‍යවරිය අනාවැකි පළකර සිටිනවා.

කෙසේවෙතත් සියලුම Aged Care මධ්‍යස්ථාන හෙවත් සියයට 100 ක එය ක්‍රියාත්මක කිරීමට නොහැකි වනු ඇති බවට ෆෙඩරල් රජය මේ වනවිට වටහාගෙන ඇති බවයි ඇය සඳහන් කලේ.

Aged Care සම්බන්ධයෙන් පත් කරනු ලැබූ රාජකීය කොමිසමේ නිර්දේශයක් අනුවයි පසුගිය ෆෙඩරල් මැතිවරණයේදී ලේබර් පක්ෂය මෙම පොරොන්දුව ලබාදුන්නේ.

Aged Care මධ්‍යස්ථානවල සිටින සෑම නේවාසිකයෙකුම එක් දිනයකදී අවම වශයෙන් විනාඩි 200 ක කාලයක් හෙදියකගේ රැකවරණයට යටත් කිරීම එහි ප්‍රධාන ඉලක්කයක්.

මේ සඳහා ලේබර් පක්ෂ රජය විසින් ඩොලර් බිලියන 02 ක මුදලක් වෙන් කලද Regional ප්‍රදේශවල එය ප්‍රායෝගිකව ක්‍රියාත්මක කිරීම අසීරු බවටයි හඳුනාගෙන ඇත්තේ.

හොබාර්ට්හි පාසල් අසල සුදු වෑන් භීතිකාවක්

ටස්මේනියා ප්‍රාන්තයේ හොබාර්ට්හි ප්‍රාථමික පාසල් සිසුන්ට සුදු පැහැති වෑන් රථයකින් පැමිණ පැණි රස කෑම වර්ග ලබා දෙන පුද්ගලයෙකු සම්බන්ධයෙන් ආරක්ෂක අංශ විමර්ශනයක් ආරම්භ කර තිබෙනවා.

Read More »

නවසීලන්තයේ කාය වර්ධන තරගාවලියකින් ශ්‍රී ලාංකික තරුණයෙකුට රන් පදක්කම් 3ක්

නවසීලන්තයේ පැවති කාය වර්ධන තරගාවලියකින් එරට සිටින ශ්‍රී ලාංකික තරුණයෙක් වන සුලාර ධනුක මාලිංග පදක්කම් රැසක් දිනාගෙන තිබෙනවා.

Read More »

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »

පැපුවා නිව්ගිනි රාජ්‍යයේ නාය යෑමෙන් ජීවිත 300ක් අහිමි වෙයි?

පැපුවා නිව්ගිනියාවේ එන්ගා පළාතේ ගම්මාන කිහිපයක සිදු වූ නාය යාමෙන් පුද්ගලයන් 300කට වැඩි පිරිසක් සුන්බුන් අතර සිරවී ඇතැයි විශ්වාස කෙරෙන බව සහන කණ්ඩායම් පවසනවා.

Read More »