රිය ධාවනයේදී දුරකථන භාවිත කරන්නන් සොයා දකුණු ඔස්ට්‍රේලියාවෙනුත් කැමරා

රිය ධාවනයේදී ජංගම දුරකථන භාවිත කරන රියදුරන් හඳුනාගැනීම සඳහා වන කැමරා භාවිතය දකුණු ඔස්ට්‍රේලියාව තුළද ආරම්භ කර තිබෙනවා.

ඇඩිලේඩ් නගරයේ අධි අවධානම් ස්ථාන 07 කදී පළමු අධියරේදී කැමරා ක්‍රියාත්මක වනු ඇති.

දකුණු ඔස්ට්‍රේලියාවේ මාර්ගවල සිදුවූ රිය අනතුරු හමුවේ වසරේ මේ දක්වා කාලය තුළදී පමණක් මරණ 35 ක් සිදුවී ඇති අතර පසුගිය සති අන්තයේදී පමණක් මරණ 03 ක් වාර්තා වී තිබුණා.

මෙම කැමරා ක්‍රියාත්මක වීම ආරම්භ වී ඇතත් සමස්ත ප්‍රාන්තය පුරා කැමරා සවිකර අවසන් කෙරෙන ලබන වසර දක්වා රියදුරන්ට දඩ නියම කිරීමක් සිදුවන්නේ නැහැ.

අනතුරුව වසර 03 ක කාලය තුළදී රියදුරන් 100,000 කට ආසන්න පිරිසක් හඳුනාගැනෙනු ඇති බවද ඒ හරහා ඩොලර් මිලියන 46 ක දඩ මුදල් ආදායමක් උපයා ගැනීමට හැකිවනු ඇති බවටද දකුණු ඔස්ට්‍රේලියා ප්‍රාන්ත රජය විශ්වාසය පළකරනවා.

ක්වීන්ස්ලන්ඩ් – වික්ටෝරියා සහ නිවු සවුත් වේල්ස් ප්‍රාන්තවලද දැනටමත් මෙම තාක්ෂණය ක්‍රියාත්මකයි.

දකුණු ඔස්ට්‍රේලියා ප්‍රාන්ත පොලිසියට අනුව රිය අනතුරුවලට මූලික හේතුව රිය ධාවනයේදී රියදුරන්ට මුහුණපෑමට සිදුවන විවිධ බාධා කිරීම් බවටයි හඳුනාගෙන ඇත්තේ.

Today’s Top Stories 2024.04.18

පිහි ඇනුමට ලක්වූ බිෂොප්වරයාගෙන් විශේෂ ප්‍රකාශයක් බාලි වෙත යන සංචාරකයන්ට අනතුරු ඇඟවීමක් පිළිකාවකට ප්‍රතිකාරයක් අත්හදා බැලීම ඔස්ට්‍රේලියාවෙන් ඇරඹෙයි වැටුප් සමග වැඩියෙන් නිවාඩු ගැනීමට හැකි නව යෝජනාවක් ඩුබායි යන ගුවන් මගීන්ට විශේෂ දැනුම්දීමක්

Read More »

දේව මෙහෙය අතර පිහි ඇනුමට ලක්වූ බිෂොප්වරයාගෙන් පළමු වරට විශේෂ ප්‍රකාශයක්

අන්තර්ජාලය ඔස්සේ විකාශය වෙමින් තිබූ දේව මෙහෙය අතර තමාට පිහියෙන් අනිනු ලැබූ තරුණයාට සමාව දෙන බව මාරි එම්මානුවෙල් රදගුරුතුමා පවසනවා.

Read More »

පිහි ඇනුමෙන් පසු විවෘත වූ Westfield සාප්පු සංකීර්ණයේ වෙළඳසැල් හිමිකරුවන්ට සහනයක්

6 දෙනෙකුට ජීවිත අහිමි කළ පිහි ඇනුමෙන් පසු පළමු වරට සිඩ්නි බොන්ඩායි ජන්ෂන් හි වෙස්ට්ෆීල්ඩ් සාප්පු සංකීර්ණය අද පෙරවරු 11ට විවෘත කෙරුණා.

Read More »