සිඩ්නි හිදී 17 හැවිරිදි ශ්‍රී ලාංකික තරුණයෙකුට මරු කැඳවමින් සිදුවූ රිය අනතුර සම්බන්ධයෙන් 90 හැවිරිදි කාන්තාවකට චෝදනා ගොණු කර තිබෙනවා.
සිය මිතුරෙකුද සමග මාර්ගයේ ගමන් කරමින් සිටියදී එක්වරම පැමිණි මෝටර් රථයක ගැටීමෙන් කැල්වින් විජේවීර නම් තරුණයා ජීවිතක්ෂයට පත්වූයේ පසුගිය වසරේ දෙසැම්බර් 01 වනදායි.
අපරීක්ෂාකාරී රිය ධාවනය ඇතුලු චෝදනා 02 ක් සම්බන්ධයෙන් මෙම කාන්තාවට එරෙහිව චෝදනා ගොණු කර ඇතැයි නිවු සවුත් වේල්ස් ප්‍රාන්ත පොලිසිය සඳහන් කලා.
ලබන මැයි මාසයේදී මෙම නඩු විභාගය ආරම්භ කිරීමටයි නියමිතව ඇත්තේ.
නිවු සවුත් වේල්ස් නීතියට අනුව වයස අවුරුදු 85 ට වැඩි සෑම අයෙකුම සෑම වසර 02 කටම වරක් රියදුරු පරීක්ෂණයකින් සමත්විය යුතුයි.
එහෙත් ඇතැම් අයට කොන්දේසිවලට යටත්ව නවීකරණය කරන ලද රියදුරු බලපත්‍රය සඳහා අයදුම් කල හැකියි.
එමගින් තමන්ට හුරුපුරුදු ප්‍රදේශවල රිය ධාවනය කල හැකි අතර ඒ සඳහා රියදුරු පරීක්ෂණය අනිවාර්ය වන්නේ නැහැ.
