කොවිඩ් සමයේ අවලංගු කල ගුවන් ගමන් වෙනුවෙන් ලබාදුන් වරප්රසාද දීමනා භාවිත කිරීමට ක්වන්ටාස් සහ ජෙට් ස්ටාර් ගුවන් මගීන්ට තවත් වසරක කාලයක් ලබාදී තිබෙනවා.
ඒ අනුව ලබන වසරේ (2024) දෙසැම්බර් 31 වනදා දක්වා එම දීමනා උපයෝගී කරගනිමින් ගුවන් ගමන්වල නිරතවීමට ඔවුන්ට අවස්ථාව උදාවනු ඇති.
කෙසේවෙතත් එම ගුවන් මගීන් මෙම වසරේ දෙසැම්බර් 31 වනදාට පෙර සිය ගුවන් ගමන් වෙන් කරවා ගත යුතුයි.
කොවිඩ් සමයේදී අවලංගු කෙරුණු ගුවන් ගමන් වෙනුවෙන් ක්වන්ටාස් ගුවන් සේවය මුදල් ආපසු ගෙවීමක් සිදුනොකල අතර ඒ වෙනුවට Flight Credits හෙවත් වරප්රසාද දීමනා ලබාදීමක් සිදුකරනු ලැබුවා.
ඒ අනුව ඉදිරි ගුවන් ගමනකදී මෙම දීමනා භාවිත කර ගුවන් ප්රවේශපත්රයෙහි ගාස්තුව අඩු කර ගත හැකියි.
ඩොලර් බිලියන 02 කට ආසන්න වටිනාකමින් යුත් දීමනා මෙලෙස ලබාදී ඇති අතර ඉන් සියයට 76 ක් පමණ ඩොලර් 500 ට අඩු වටිනාකමකින් සමන්විතයි.
ඩොලර් 500 ත් 5000 ත් අතර දීමනා සහිත පිරිස සියයට 24 ක් පමණ වන අතර ඩොලර් 5,000 ට වැඩි වටිනාකම සහිත දීමනා හිමිවන පිරිස සියයට 01 කටද අඩුවෙන් සිටින බව සඳහන්.
