ජීවන වියදම සහ ගුවන් ගාස්තු ඉහළයාම හමුවේ මෙම වසරේදී නිවාඩු ගත කිරීම සහ චාරිකාවල නිරතවීම නැවත සළකා බැලීමට ඔස්ට්‍රේලියානුවන් අතුරින් අති බහුතරයක් තීරණය කර තිබෙනවා.
මෙම වසරේදී දේශීය හෝ විදේශීය චාරිකාවක නිරතවීමට සැළසුම් කර ඇති ප්‍රතිශතය සියයට 87 ක් ලෙසටයි පුරෝකථනය කර ඇත්තේ.
කෙසේවෙතත් ඉන් සියයට 83 ක්ම පවසා ඇත්තේ සිය සැළසුම් පිළිබඳ නැවත සළකා බැලීමට සිදුවන බවයි.
මෙම සමීක්ෂණයට සහභාගීවූවන් අතුරින් සියයට 50 ක්ම අවධාරණය කර ඇත්තේ කිසිදු අයුරකින් විදෙස් සවාරියක නිරතවීමට අපේක්ෂාවක් නොමැති බවයි.
වෙනත් ප්‍රාන්තයක චාරිකාවක් සඳහා හෝ පිටත්ව නොයන බවට අදහස් පළකර ඇති ප්‍රතිශතය සියයට 37 ක්.
මේ අතර විදෙස් සංචාරයක් සඳහා පිටත්ව යාමේදී සෞඛ්‍ය රක්ෂණාවරණයක් ගෙන පිටත්ව යන ඔස්ට්‍රේලියානුවන් සංඛ්‍යාව කැපී පෙනෙන ලෙස ඉහළ ගොස් ඇති බවද අනාවරණය වී තිබෙනවා.
