ඉලෙක්ට්‍රොනික දුම්වැටි සම්බන්ධයෙන් පාර්ලිමේන්තු විමර්ශනයක් පැවැත්වීමට ක්වීන්ස්ලන්ඩ් ප්‍රාන්ත රජය සූදානම් වනවා.
ඔස්ට්‍රේලියානු ජාතික විශ්ව විද්‍යාලය මෑතකදී සිදුකර ඇති අධ්‍යයනයක් සැළකිල්ලට ගෙනයි ඔවුන් මෙම පියවර ගෙන ඇත්තේ.
ඉලෙක්ට්‍රොනික දුම්වැටි භාවිතයට පෙළඹෙන පුද්ගලයන් සාමාන්‍ය දුම්වැටි භාවිතයට නැඹුරුවීමේ අවධානම 03 ගුණයකින් ඉහළ බවයි මෙහිදී අනාවරණය වූයේ.
ඒ අනුව ඉලෙක්ට්‍රොනික දුම්වැටි සම්බන්ධයෙන් පාර්ලිමේන්තු විමර්ශනයක් පවත්වා සියලු තොරතුරු මහජනතාව වෙත නිරාවරණය කිරීම ක්වීන්ස්ලන්ඩ් ප්‍රාන්ත රජය සැළසුම් කර තිබෙනවා.
ලබන අගෝස්තු මාසය වනවිට එම වාර්තාව ලැබීමට නියමිත අතර එහි නිර්දේශ මත ක්ව්න්ස්ලන්ඩ් ප්‍රාන්තය තුළ ඉලෙක්ට්‍රොනික දුම්වැටි භාවිතය සම්බන්ධ රෙගුලාසි බලාත්මක කිරීමටයි තීරණය වී ඇත්තේ.
