ඔස්ට්‍රේලියාවේ ජනප්‍රියම සුපිරි වෙළඳසැල් ජාලය බවට තවදුරටත් Woolworths පත්වී තිබෙනවා.
සියයට 48 ක් ඊට සිය කැමැත්ත පළකර ඇති අතර සියයට 39 ක් Coles සඳහාද සියයට 10 ක් ALDI සඳහාද සියයට 02 ක් IGA සඳහාද කැමැත්ත පළකර ඇති බව සඳහන්.
කාන්තාවන් වැඩි වශයෙන් Woolworths වෙත යොමුවන බවද පුරුෂ පාර්ශවය Coles වෙත යොමුවන බවද මෙහිදී අනාවරණය වී තිබෙනවා.
කෙසේවෙතත් සාමාන්‍ය අගයක් ලෙස ඔස්ට්‍රේලියානුවන් මුදල් වියදම් කිරීම අතින් පෙරමුණ ගෙන සිටින්නේ ALDI වෙළඳ ජාලයයි.
එක් ඔස්ට්‍රේලියානුවෙකු එහිදී සතියකට වැය කරන මුදල ඩොලර් 210 ක් ලෙසට ගණන් බලා තිබෙනවා.
Woolworths හිදී සතියකදී වැය කරන මුදල ඩොලර් 193 ක් වන අතර IGA හිදී ඩොලර් 182 ක්ද Coles හිදී ඩොලර් 170 ක්ද වැය කෙරෙන බවටයි තක්සේරු කර ඇත්තේ.
භාණ්ඩ මිළදී ගැනීමේදී ඔස්ටේ්‍රලියානුවන්ගේ වැඩිම කැමැත්ත සතිපතා අවශ්‍ය භාණ්ඩ මිළදී ගැනීම බවද මෙහිදී අනාවරණය වුණා.
ප්‍රතිශතයක් ලෙස එය සියයට 53 ක්.
