ඉන්දියාවට එරෙහි 04 වන ටෙස්ට් ක්‍රිකට් තරගයෙන්ද ඔස්ට්‍රේලියා නායක පැට් කමින්ස් ඉවත් වී තිබෙනවා.
ඒ ඔහුගේ මව සිඩ්නි නුවර රෝහලක අසාධ්‍ය තත්වයෙන් ප්‍රතිකාර ගැනීම හේතුවෙනුයි.
03 වන ටෙස්ට් තරගයෙන්ද පැට් කමින්ස් ඉවත්ව සිටි අතර ඔහු වෙනුවට කණ්ඩායමේ නායකත්වය පැවරුණේ ස්ටීව් ස්මිත් හටයි.
ඉන්දියාව සහ ඔස්ට්‍රේලියාව අතර 04 වන ටෙස්ට් තරගය ලබන බ්‍රහස්පතින්දා අහමදාබාද් හිදී ආරම්භ වනවා.
එක්දින තරගාවලියේ පළමු තරගය මාර්තු 17 වනදා මුම්බායි හිදීත් – දෙවන තරගය 19 වනදා විසාකාපට්නම් හිදීත් – 03 වන තරගය මාර්තු 22 වනදා චෙන්නායි හිදීත් පැවැත්වෙනු ඇති.
