ඉදිරි දින 02 තුළදී වික්ටෝරියා සහ දකුණු ඔස්ටේ්‍රලියා ප්‍රාන්තවල උෂ්ණත්වය සෙල්සියස් අංශක 40 ඉක්මවා යනු ඇති බවට කාළගුණ අංශ අනතුරු අගවනවා.
අද මෙල්බන් උෂ්ණත්වය අංශක 31 ක් ලෙස පැවති නමුත් හෙට දිනයේදී අංශක 35 දක්වා ඉහළ යනු ඇති බව සඳහන්.
කෙසේවෙතත් වික්ටෝරියා කලාපවල උෂ්ණත්වය අද දිනයේදී අංශක 36 ක් ලෙස සටහන් වන අතර ඉදිරි දින 02 තුළදී අංශක 40 දක්වා වැඩිවනු ඇති බවටයි අනාවැකි පළවන්නේ.
ටස්මේනියා – බටහිර ඔස්ටේ්‍රලියා සහ ක්වීන්ස්ලන්ඩ් ප්‍රාන්තවල උෂ්ණත්වය සැළකිය යුතු අන්දමින් ඉහළ නොයනු ඇති බවටත් අංශක 30 සීමාවේ පවතිනු ඇති බවටත් පුරෝකථනය කර තිබෙනවා.
මේ අතර බටහිර ඔස්ටේ්‍රලියාවේ ඇතැම් ස්ථානවල උෂ්ණත්වය ලබන ඉරිදා දිනයේදී අංශක 50 කට ආසන්න වනු ඇති බවටයි අනාවැකි පළවන්නේ.
