වියදම් අවම කර ගැනීමේ අරමුණ ඇතිව ඔස්ටේ්‍රලියානු තරුණ තරුණියන් අඩු මිළ විවාහ උත්සව සඳහා යොමුවීම ඉහළ ගොස් තිබෙනවා.
ඊයේ දිනයට යෙදී තිබූ වැලන්ටයින් දිනයට සමගාමීව යුවළ 32 ක් සිඩ්නි ඔපෙරා ශාලාව අසළදී විවාහ වූ අතර ඔවුන් එක් යුවළකට වැයවී තිබුණේ ඩොලර් 1,000 කට ආසන්න මුදලක් පමණයි.
සාමාන්‍ය විවාහ මංගල්‍ය උත්සවයක් සඳහා ඩොලර් 36,000 කට ආසන්න මුදලක් වැය වනවා.
2021 වසරේ සිට මේ දක්වා නිවු සවුත් වේල්ස් ප්‍රාන්තය තුළදී මෙලෙස විවාහ උත්සව 397 ක් පවත්වා තිබෙනවා.
මෙම අඩු පිරිවැය විවාහ උත්සවයකට සහභාගී විය හැකි වනුයේ අමුත්තන් 35 දෙනෙකුට පමණයි.
ඉදිරියේදී මේ සම්බන්ධව තවත් පැකේජ කිහිපයක් හඳුන්වාදීමටයි නිවු සවුත් වේල්ස් බළධාරීන් සූදානමින් පසුවන්නේ.
