ග්‍රේබියල් සුළි කුණාටුව හේතුවෙන් නවසීලන්තයට හදිසි ආපදා තත්වයක් ප්‍රකාශයට පත් කර තිබෙනවා.
උතුරු දිවයිනේ ප්‍රදේශ රැසක දරුණු ජල ගැලීම් සහ ධාරාණිපාත වර්ෂා තත්වයන් හටගෙන ඇති බවයි එරට වාර්තාවල දැක්වෙන්නේ.
2011 වසරෙන් පසු නවසීලන්තය තුළ හදිසි ආපදා තත්වයක් ප්‍රකාශයට පත් කල 03 වන අවස්ථාව මෙයයි.
මීට පෙර එවැනි තත්වයන් ප්‍රකාශයට පත් කෙරුණේ ක්‍රයිස්චර්ච් භූමිකම්පාව අවස්ථාවේදී සහ කොවිඩ් වසංගත තත්වයේදීයි.
මේ අතර දැඩි සුළං තත්වය හමුවේ නවසීලන්තයේ ගුවන් තොටුපළ රැසක මෙහෙයුම් සඳහා බාධා එල්ල වි තිබෙනවා.
ගුවන් මගීන් දහස් සංඛ්‍යාත පිරිසක් ගුවන් තොටුපළවල සිරවී සිටින බවද සඳහන්.
