විදෙස් ගමන් බලපත්‍ර ලබා ගැනීමට අද දිනයේ (14) වේලාවක් වෙන් කරගත් පුද්ගලයින්ට පැමිණීමෙන් වළකින්නැයි ශ්‍රී ලංකා ආගමන විගමන දෙපාර්තමේන්තුව ඉල්ලීමක් කරනවා.
ආගමන විගමන පාලක ජනරාල්, හර්ෂ ඉලූක්පිටිය ප්‍රකාශ කළේ, අද (14) දිනයේ පැමිණීමට නියමිත අයැදුම්කරුවන් හෙට (15) දිනයේ පැමිණිය යුතු බවයි.
හෙට (15) දින පැමිණිමට නියමිත අයදුම්කරුවන් ඊට පසු දිනයේත් වන ආකාරයෙන් දැනට වේලාව වෙන් කර ඇති දිනට පසු දින කාර්යාලයට පැමිණෙන්නැයි ආගමන විගමන පාලක ජනරාල්වරයා දැනුම් දෙනවා.
මේ අනුව 17 වන සිකුරාදා දිනයේ වේලාව වෙන් කර ගෙන ඇති අයැදුම්කරුවන්ට 18 වන සෙනසුරාදා දිනයේ කාර්යාලයට පැමිණ සේවාව ලබා ගත හැකියි.
පරිඝණක පද්ධතියේ දෝෂයක් හේතුවෙන් ඊයේ පෙරවරු 10.30 සිට විදේශ ගමන් බලපත්‍ර නිකුත් කිරිම ඇනහිටි අතර මේ හේතුවෙන් එක්දින සේවාව යටතේ විදේශ ගමන් බලපත්‍ර ලබාගැනීමට පැමිණි විශාල පිරිසක් දැඩි අපහසුතාවයට පත්ව තිබුණා.
