වැඩිහිටි ඔස්ටේ්‍රලියානුවන් වෙනුවෙන් 05 වන කොවිඩ් මාත්‍රාව ලබාදීම ඉදිරි සති කිහිපය තුළදී ආරම්භ කිරීමට තීරණය වි තිබෙනවා.
සෞඛ්‍ය අමාත්‍ය මාර්ක් බට්ලර් සඳහන් කලේ ප්‍රතිශක්තීකරණය සඳහා වන ඔස්ටේ්‍රලියානු තාක්ෂණික උපදේශක කණ්ඩායමේ නිර්දේශය මත ෆෙඩරල් රජය විසින් මෙම තීරණය ගත් බවයි.
ගතවූ මාස 06 තුළදී බූස්ටර් මාත්‍රාව ගෙන නොමැති හෝ කොවිඩ් වෛරසය වැළඳී නොමැති වයස අවුරුදු 18 ට වැඩි පුද්ගලයන් සඳහා ලබන 20 වනදා සිට මෙම එන්නත ලබාගත හැකියි.
දැනටමත් එන්නත් මාත්‍රා මිලියන 04 ක් රට තුළ පවතින අතර ඔමික්‍රොන් වෛරස් ප්‍රභේදය ඉලක්ක කර ඉදිරියේදී තවත් මාත්‍රා රටට ගෙන්වීමට නියමිත බවද අමාත්‍යවරයා සඳහන් කලා.
පසුගිය මාසය වනවිට මෙරට සුදුසුකම් ලත් ජනගහණයෙන් මාත්‍රා 03 ක් ලබා තිබු ප්‍රතිශතය සියයට 72 ක් වූණා.
මාත්‍රා 04 ක් ලබා තිබූ ප්‍රතිශතය සියයට 44 ක් හෙවත් ලක්ෂ 54 කට ආසන්නව පැවති බව සඳහන්.
