ෆෙඩරල් සංචිත බැංකුව විසින් අද සිදුකල cash rate අගය ඉහළ දැමීමට සමගාමීව ප්‍රධාන බැංකු විසින් සිය පොළී අනුපාතික අගයන් ඉහළ දැමීම නිවේදනය ආරම්භ කර තිබෙනවා.
මේ අනුව එම නිවේදනය නිකුත් කල පළමු බැංකුව බවට ANZ බැංකුව පත්වු අතර ලබන 17 වනදා සිට තම නිවාස ණය පොළී අනුපාතික අගයන් සියයට 0.25 කින් වැඩි කරන බවයි ඔවුන් සඳහන් කලේ.
ANZ බැංකුවෙන් ඩොලර් 450,000 ක නිවාස ණයක් ගෙන ඇති අයෙකුට මේ අනුව මාසික වාරිකය වැඩිවීම ඩොලර් 66 ක් බවට පත්වනවා.
එමෙන්ම ඉතිරි කිරීමේ ගිණුම් සඳහා ලබාදෙන වාර්ෂික පොළියද වැඩි කෙරෙන අතර ඩොලර් 250,000 ට අඩු ශේෂයක් සහිත ගිණුම් සඳහා වන වාර්ෂික පොළිය සියයට 04 ක් දක්වා ඉහළ යනු ඇති.
අඛණ්ඩව 09 වන වරටත් ෆෙඩරල් සංචිත බැංකුව විසින් cash rate අගය ඉහළ දැමූ අතර ඒ අනුව පදනම් ඒකක 25 කින් හෙවත් සියයට 0.25 කින් cash rate අගය වැඩි කර ඇති අතර දැනට සියයට 3.1 ක් ලෙස පවතින එය සියයට 3.35 දක්වා මේ අනුව ඉහළ යනු ඇති.
ඔස්ටේ්‍රලියාවේ උද්ධමනය සියයට 7.8 ක් දක්වා ඉහළගොස් තිබීම හමුවේ මෙම තීරණය ගැනීමට සිදුවූ බව ෆෙඩරල් සංචිත බැංකු ප්‍රධානී ෆිලිප් ලෝ කියාසිටියා.
ලබන අගෝස්තු මාසය දක්වා cash rate අගය වැඩිවනු ඇති බවටයි අනාවැකි පළවන්නේ.
