අඛණ්ඩව 09 වන වරටත් ෆෙඩරල් සංචිත බැංකුව විසින් cash rate අගය ඉහළ දමා තිබෙනවා.
ඒ අනුව පදනම් ඒකක 25 කින් හෙවත් සියයට 0.25 කින් cash rate අගය වැඩි කර ඇති අතර දැනට සියයට 3.1 ක් ලෙස පවතින එය සියයට 3.35 දක්වා මේ අනුව ඉහළ යනු ඇති.
දැනට ඩොලර් ලක්ෂ 05 ක නිවාස ණයක් ගෙවන අයෙකු මෙම ඉහළ දැමීමත් සමග ගෙවිය යුතු මාසික වාරිකයේ වැඩිවීම ඩොලර් 81 ක් ලෙසටයි තක්සේරු කර ඇත්තේ.
පසුගිය මැයි මාසයේ සිට සැළකිමේදී වාරික වැඩිවීම ඩොලර් 969 ක් හෙවත් වසරකට අමතරව ගෙවීමට සිදුවන මුදල ඩොලර් 11,628 ක් බවට පත්වනවා.
ඔස්ටේ්‍රලියාවේ උද්ධමනය සියයට 7.8 ක් දක්වා ඉහළගොස් තිබීම හමුවේ මෙම තීරණය ගැනීමට සිදුවූ බව ෆෙඩරල් සංචිත බැංකු ප්‍රධානී ෆිලිප් ලෝ දැන් පැවැත්වෙන මාධ්‍ය හමුවකදී කියාසිටියා.
ලබන අගෝස්තු මාසය දක්වා cash rate අගය වැඩිවනු ඇති බවටයි අනාවැකි පළවන්නේ.
අද සිදුකල වෙනසත් සමග බැංකු පොළී අනුපාතිකයන් වැඩිවන ප්‍රතිශත සහ දින වකවානු එක් එක් ප්‍රධාන බැංකුව විසින් ඉදිරියේදී ප්‍රකාශයට පත් කරනු ඇති.
