තැපැල් මාර්ගයෙන් ඔස්ටේ්‍රලියානුවන්ට ලැබෙන නවතම වංචාවක් පිළිබඳ තොරතුරු අනාවරණය කර තිබෙනවා.
ටෙල්ස්ට්‍රා සමාගමෙන් බවට දැක්වෙන ලිපියක් පාරිභෝගිකයන්ට එවා මුදල් වංචා කිරීමයි මෙහිදී සිදුවන්නේ.
කිසියම් සයිබර් ප්‍රහාරයක් හමුවේ අදාළ පාරිභෝගිකයාගේ ගිණුමට අමතර මුදලක් බැරවී ඇති බවත් ඔහු හෝ ඇය විසින් එය දැනටමත් භාවිතයට ගෙන ඇති බවත් මෙහිදී වංචාකරුවන් විසින් දන්වනු ලබනවා.
අනතුරුව එම මුදල නැවත ලබාදෙන ලෙසට ගිණුම් අංකයක් යොමු කරවීමද සිදුවන බවටයි හඳුනාගෙන ඇත්තේ.
මෙවැනි ලිපියක් ලදහොත් රැවටීමෙන් වළකින්නැයි ඉල්ලීමක් කෙරෙනවා.
වවිධ වංචාවලට හසුවීමෙන් ඔස්ටේ්‍රලියානුවන් විසින් පසුගිය වසරේදී අහිමි කරගෙන ඇති මුදල ඩොලර් මිලියන 474 කට අධිකයි.
ඉන් බහුතරය වන ඩොලර් මිලියන 320 ක් පමණ අහිමිවී ඇත්තේ විවිධ ආයෝජන වංචා හේතුවෙන් වන අතර ඩොලර් මලියන 32 ක් පමණ අහිමි කරගෙන ඇත්තේ ව්‍යාජ ආදර සබඳතාවලට හසුවීමෙනුයි.
