ගතවු මාස 12 තුළදී ක්වීන්ස්ලන්ඩ් ප්‍රාන්තයේ වැඩිම පුහුණු නිපුණතා වීසා නිකුත් කර ඇත්තේ වෛද්‍යවරුන් සහ සූපවේදීන් සඳහා බව තහවුරු වී තිබෙනවා.
ප්‍රාන්තයේ සෑම ප්‍රදේශයකම පාහේ ඔවුන්ට ඉහළ ඉල්ලුමක් පවතින බවටයි හඳුනාගෙන ඇත්තේ.
ස්වදේශ කටයුතු දෙපාර්තමේන්තුව නිකුත් කර ඇති නවතම දත්තවලට අනුව ක්වීන්ස්ලන්ඩ් සංක්‍රමණ වැඩසටහන යටතේ පසුගිය මාස 12 දී වැඩිම අයදුම්පත් මෙන්ම අනුමත කිරීම් ලැබී ඇත්තේද මෙම ක්ෂේත්‍ර 02 සඳහායි.
බ්‍රිස්බන් ඇතුලු ප්‍රදේශ රැසක පවතින සූපවේදීන්ගේ හිගය හේතුවෙන් ඇතැමුන්ට සෑම දිනකම පැය 12 කට ආසන්න කාලයක් එනම් සතියකට පැය 80 ක් පමණ සේවයේ නිරතවීමට සිදුවී ඇති බවටද තොරතුරු වාර්තා වනවා.
එමෙන්ම ක්වින්ස්ලන්ඩ් ප්‍රාදේශීය කලාපවල වෛද්‍යවරුන්ගේ දැඩි හිගයක් පවතින බවද සඳහන්.
