විවිධ පාරිභෝගික සේවා ඉටුකර ගැනීම සඳහා හදිසි ඇමතුම් අංක වෙත දුරකථන ඇමතුම් ගැනීමේදී පසුගිය වසර තුළදී ඔස්ටේ්‍රලියානුවන් ඇමතුමෙහි රඳවා සිටි (on hold) කාලය පැය මිලියන 96.5 ක් බවට ගණන් බලා තිබෙනවා.
විවිධ සේවා වෙනුවෙන් ඔස්ටේ්‍රලියානුවන් මිලියන 13.3 ක් පමණ පසුගිය වසරේදී පාරිභෝගික ඇමතුම් මධ්‍යස්ථාන වෙත දුරකථන ඇමතුම් ගෙන ඇතැයි සඳහන්.
එය 2021 වසර හා සැසඳීමේදී පාරිභෝගිකයන් මිලියනයක පමණ ඉහළයාමක් බවටයි තක්සේරු කර ඇත්තේ.
එක් පාරිභෝගිකයෙකු සමස්ත වසර පුරා දුරකථන ඇමතුම්වල රැඳී සිටි කාලය පැය 07 කට අධික බවට ගණන් බලා තිබෙනවා.
ඇතැම් පැමිණිලි විසඳීමට සතියකට වැඩි කාලයක් ගතවු අවස්ථාද දක්නට ලැබී තිබීම විශේෂත්වයක්.
පාරිභෝගික සේවා සඳහා වඩාත් අප්‍රසන්නම අංශය බවට ඔස්ටේ්‍රලියානුවන් විසින් නම් කර ඇත්තේ දුරකථන හා සන්නිවේදන සේවාවනුයි.
රජයේ සේවා සහ මූල්‍ය සේවා දෙවන ස්ථානයට පත්ව තිබෙනවා.
