ඔස්ටේ්‍රලියානුවන් දහස් සංඛ්‍යාත පිරිසක් නිවාස මිළ ගැනීම සඳහා ණය අයදුම් කිරීමේදී සිතාමතා අසත්‍ය තොරතුරු ප්‍රකාශ කරන බව අනාවරණ වී තිබෙනවා.
ණය ඉල්ලුම් කරන්නන් අතුරින් 1/8 ක් පමණ සිය ආදායම සහ ගෙවීමට පවතින අනෙකුත් ණය පිළිබඳ වැරදි තොරතුරු ලබාදෙන බවටයි හෙළිවී ඇත්තේ.
මෙය ඉදිරියේදී ඔවුන්ට බරපතල ප්‍රතිවිපාක අත්කරනු ඇති බවත් ඇතැම්විට මිළයට ගන්නා නිවස අහිමිවීමට පවා ඉඩ ඇති බවටත් අනතුරු ඇගවෙනවා.
පවතින ආර්ථික වාතාවරණය හමුවේ නිවාස ණයක් අයදුම් කිරීමේදී සපුරාලිය යුතු ඇතැම් කොන්දේසි දැඩිවී තිබීමයි මීට ප්‍රධාන හේතුව වන්නේ.
මේ වනවිට ඔස්ටේ‍රලියාවේ Cash rate අගය සියයට 3.1 ක් ලෙස පවතින අතර ලබන 07 වනදා එය යළිත් ඉහළ යනු ඇති බවටයි අනාවැකි පළවන්නේ.
