නාගරික ප්‍රදේශවල පවතින තැපැල් කාර්යාල 30 ක් වසා දැමීමට Australia Post අවධානය යොමුකර තිබෙනවා.
කොවිඩ් වසංගත සමයෙන් පසු පාරිභෝගිකයන් වැඩි වශයෙන් ඔන්ලයින් ක්‍රමයට සේවා ඉටු කර ගැනීමට පෙළඹීමෙන් තැපැල් කාර්යාල වෙත පැමිණීමේ අඩුවක් නිරීක්ෂණය වී තිබීමයි ඊට හේතුව වන්නේ.
ඔස්ටේ්‍රලියාව පුරා තැපැල් කාර්යාල 4000 ක් පිළිබඳ සමාලෝචනය කිරීමෙන් පසු Australia Post විසින් මෙම තීරණය ගෙන තිබෙනවා.
කෙසේවෙතත් ප්‍රාදේශීය හෝ දුෂ්කර ප්‍රදේශවල පවතින කිසිදු තැපැල් කාර්යාලයක් මෙලෙස වසා දැමීමට නිර්දේශිත තැපැල් කාර්යාල අතරට අයත් නොවන බවයි ඔවුන් අවධාරණය කරන්නේ.
සමස්ත තැපැල් කාර්යාල අතුරින් සියයට 01 කටත් අඩු ප්‍රමාණයක් වසා දැමීමෙන් තැපැල් මෙහෙයුම් සඳහා බාධාවක් එල්ල නොවන බවයි Australia Post වැඩිදුරටත් පෙන්වා දෙන්නේ.
