
E-scooter භාවිතය සම්බන්ධ නීති ලිහිල් කිරීමේ යෝජනාවක් ප්රාන්ත පාර්ලිමේන්තුවට ඉදිරිපත් කිරීමට දකුණු ඔස්ටේ්රලියා ප්රාන්ත විපක්ෂය සූදානම් වනවා.
ඒ අනුව ලියාපදිංචි නොකරන ලද E-scooter භාවිතයටද අවසර හිමිවන අතර බලපත්රයක් සහිත වීමද අනිවාර්ය වන්නේ නැහැ.
දැනට ඇඩිලේඩ් නගරයේ භාවිත කල හැකිවනුයේ ලියාපදිංචි සමාගම් දෙකකින් කුළියට ගන්නා E-scooter පමණයි.

ලිබරල් පක්ෂයේ යෝජනාව සම්මත වුවහොත් පුද්ගලික භාවිතය සඳහා මිලදී ගන්නා E-scooter සඳහාද අවසර හිමිවනවා.
කෙසේවෙතත් ඒවායෙහි උපරිම වේගය පැයට කිලෝමීටර් 25 ක් ලෙස පවත්වාගත යුතුයි.

දකුණු ඔස්ටේ්රලියාවේ දැනට පවතින නීති අනුව පුද්ගලික E-scooter භාවිත කරන්නන්ට ඩොලර් 2000 ක දඩයක් නියම වනවා.