ඔස්ටේ‍රලියාවේ පළමු මහජන IVF සායනය මෙල්බන් නගරයේදී විවෘත කර තිබෙනවා.
ගර්භණීභාවය සම්බන්ධ ගැටලු ඇති ඕනෑම කාන්තාවකට ඒ හරහා නොමිළයේ ප්‍රතිකාර ගැනීමට අවස්ථාව පවතින බවයි ප්‍රාන්ත අගමැති ඩැනියල් ඇන්ඩෲස් කියාසිටියේ.
Royal Women’s Hospital සහ Monash Health විසින් ඒකාබද්ධව මෙම සායනය පවත්වාගෙන යන අතර වසරකට කාන්තාවන් 4000 ක් පමණ එමගින් සේවා ලබාගනු ඇති බවටයි අනාවැකි පළවන්නේ.
ගර්භණීභාවය සම්බන්ධ ගැටලු පවතින නමුත් ප්‍රතිකාරවල අධික වියදම හමුවේ දුෂ්කරතාවයට පත්ව සිටින කාන්තාවන්ට මෙමගින් සහනයක් අත්වනු ඇති බවයි වික්ටෝරියා අගමැති ඩැනියල් ඇන්ඩෲස් සඳහන් කලේ.
2018 වික්ටෝරියා මැතිවරණයේදී ලබාදුන් පොරොන්දුවක් අනුවයි ඩොලර් මිලියන 70 ක වියදමින් මෙම සායනය ඉදි කරනු ලැබ ඇත්තේ.
COMMENTS