නවසීලන්තයේ මීලග අගමැති ලෙස ක්‍රිස් හිප්කින්ස් පත්වීමට නියමිතව තිබෙනවා.
ජසින්ඩා ආර්ඩර්න් ගේ ඉල්ලා අස්වීමේ නිවේදනයත් සමග පාලක කම්කරු පක්ෂය විසින් හෙට දිනයේදී නව අගමැතිවරයෙකු තෝරා පත්කර ගැනීමට නියමිතයි.
කෙසේවෙතත් මේ දක්වා ඊට අදාළව ඉදිරිපත් වී ඇත්තේ එරට වත්මන් අධ්‍යාපන ඇමතිවරයා වන 44 හැවිරිදි ක්‍රිස් හිප්කින්ස් පමණයි.
ඒ අනුව හෙට දිනයේදී ඔහු නවසීලන්තයේ නව අගමැතිවරයා ලෙස නිතරගයෙන් තේරී පත්වීමට නියමිතයි.
ලබන ඔක්තෝබර් මාසයේදී පැවැත්වීමට නියමිත මහ මැතිවරණය දක්වා ක්‍රිස් හිප්කින්ස් අගමැති ධුරයේ කටයුතු කරනු ඇති.
