ඉහළ ආහාර උද්ධමනය හේතුවෙන් වැඩිම බලපෑමක් එල්ල වී ඇති රටවල් පිළිබඳ නවතම ලෝක බැංකු දර්ශකයේ ශ්‍රී ලංකාව එක් ස්ථානයක් ඉහළට පැමිණ තිබෙනවා.
ඒ අනුව සියයට 64 ක ආහාර උද්ධමනයක් සමගින් ශ්‍රී ලංකාව මේ වනවිට පසු වන්නේ 06 වන ස්ථානයේයි.
ගියවර දර්ශකයේ ශ්‍රී ලංකාවට හත්වෙනි ස්ථානය හිමිව තිබූණා.
ලෝක බැංකුව පසුගියදා නිකුත් කළ ආහාර සුරක්ෂිතතාව පිළිබඳ නවතම තක්සේරු වාර්තාව මත පදනම්වයි මෙම දර්ශකය සැකසී ඇත්තේ.
මෙවරත් ලෝක බැංකු දර්ශකයට අනුව ලෝකයේ ආහාර උද්ධමනය වැඩිම රට ලෙස පළමු ස්ථානය හිමිකරගෙන ඇත්තේ සිම්බාබ්වේ රාජ්‍යයයි.
එහි ආහාර උද්ධමනය සියයට 376 ක් දක්වා ඉහළ ගොස් තිබෙනවා.
එම දර්ශකයේ දෙවැනි සහ තෙවැනි ස්ථාන හිමිකර ගැනීමට ලෙබනනය, වෙනිසියුලා රාජ්‍යයන් සමත්ව ඇති අතර දෙරටේ ආහාර උද්ධමනය පිළිවෙලින් සියයට 171 ක් සහ 158 ක්.
