ස්ථිර පදිංචිය නොලැබීම හමුවේ ඔස්ටේ්‍රලියාවේ සිටින තාවකාලික වීසා ලාභීන් විශාල පිරිසක් විවිධ අධ්‍යයන පාඨමාලා සඳහා ඩොලර් දහස් ගණනක් වැය කරන බවට නවතම වාර්තාවක් අනාවරණය කරනවා.
ඔවුන් ඒ සඳහා වසර ගණනාවක කාලයද වැය කරන බවත් මෙය ෆෙඩරල් රජය අවධානය යොමුකල යුතු කරුණක් බවත් එහි සඳහන්.
ව්‍යාපාරික ස්ථාන අතුරින් සියයට 25 ක පමණ උග්‍ර සේවක හිගයක් පවතින වාතාවරණයක් උද්ගතවී ඇති බවයි මෙම වාර්තාවේ දැක්වෙන්නේ.
එසේ තිබියදීත් තාවකාලික වීසා ලාභීන්ට ස්ථිර පදිංචිය ලබාදී සේවක හිගය මගහරවාලීමට විධිමත් ක්‍රියාමාර්ගයක් අනුගමන කිරීමේ අවශ්‍යතාවයද ඊට අන්තර්ගතයි.
ස්ථිර පදිංචිය හෝ නිසි රැකියාවක් නොමැතිව විශාල පිරිසක් දැනටමත් ඔස්ටේ්‍රලියාව අතහැර කැනඩාව වැනි රටවලට යොමුවෙමින් පවතින බවද මෙම වාර්තාවට අන්තර්ගතයි.
මේ අතර ඉදිරි වසර සඳහා ඔස්ටේ්‍රලියානු සංක්‍රමණ කෝටාව තීරණය කිරීමේ සමාලෝචනයක් ලබන මාසයේදී සිදුකිරීමට නියමිතයි.
