ස්වදේශික ජනතාව සම්බන්ධයෙන් ඉදිරියේදී පවත්වන ජනමත විචාරණය අනිවාර්යයෙන්ම පරාජයට පත්වනු ඇති බව ෆෙඩරල් විපක්ෂ නායක පීටර් ඩට්න් පවසනවා.
ඔහු පෙන්වා දෙන්නේ කිසිදු සැළසුමකින් තොරව අගමැති ඇන්තනී ඇල්බනීස් විසින් අදාළ යෝජනාවලිය ඉදිරිපත් කර ඇති බවයි.
ස්වදේශික ජනතාවට ෆෙඩරල් පාර්ලිමේන්තු නියෝජනයක් ලබාදීම අරමුණු කරගනිමිනුයි අගමැතිවරයා විසින් මෙම යෝජනාව ඉදිරිපත් කර ඇත්තේ.
කෙසේවෙතත් එහි අවශ්‍යම කරුණු ඇතුළත්ව නොමැති බවට නැෂනල්ස් පක්ෂයද පසුගියදා චෝදනා කලා.
ලබන අගෝස්තු මස පැවැත්වෙනු ඇති බවට අපේක්ෂා කරන අදාළ ජනමත විචාරණය පිළිබඳ ප්‍රශ්න 15 ක් ඉදිරිපත් කරමින් විපක්ෂ නායකවරයා විසින් අගමැතිවරයා වෙත ලිපියක්ද යොමු කර තිබෙනවා.
