පුද්ගලයන් 04 දෙනෙකුට මරු කැඳවූ ගෝල්ඩ් කෝස්ට් හෙලිකොප්ටර් අනතුරට බලපෑ හේතුව ඇතුළත් අවසන් වාර්තාව නිකුත් කිරීමට තවත් වසර එකහාමාරකට ආසන්න කාලයක් ගතවනු ඇති බවට අනාවැකි පළවනවා.
ක්වීන්ස්ලන්ඩ් පොලිසිය මෙන්ම ඔස්ටේ්‍රලියානු ප්‍රවාහන ආරක්ෂණ කාර්යාංශය ඒකාබද්ධවයි මෙම විමර්ශනය සිදුකරනු ලබන්නේ.
පසුගිය සඳුදා සිදුවු මෙම අනතුරේදී තුවාල ලැබූ 03 දෙනෙකු තවමත් බරපතල තත්වයේ පසුවනවා.
විමර්ශන අංශ පවසන්නේ අනතුරට නිශ්චිතම හේතුව තහවුරු කරගැනීමට තවත් දීර්ඝ කාලයක් ගතවිය හැකි බැවින් අවසන් වාර්තා නිකුත් කිරීමදප ප්‍රමාද විය හැකි බවයි.
ගෝල්ඩ් කෝස්ට් හිදී හෙලිකොප්ටර් 02 ක් එකිනෙක ගැටීමෙන් සිදුවූ අනතුරෙන් මියගිය එක් අයෙකු අනතුරට ලක්වු එක් හෙලිකොප්ටරයක නියමුවා වන Sea World වෙත අනුයුක්ත 40 හැවිරිදි අයෙකුයි.
මියගිය අනෙක් 03 දෙනා බ්‍රිතාන්‍ය ජාතික යුවළක් සහ සිඩ්නි පදිංචි කාන්තාවක බවටයි තහවුරු කරගෙන ඇත්තේ.
