අඛණ්ඩව 07 වන වසරටත් ඔස්ටේ්‍රලියාවේ ජනප්‍රියම වාහන සන්නාමය බවට ටොයොටා පත්වී තිබෙනවා.
පසුගිය වසරේදී මෙරටදී අලෙවි වු වාහන අතුරින් සෙසු වාහන වර්ගවලට වඩා ටොයොටා වාහන අලෙවිය 03 ගුණයක පමණ ඉහළයාමක් සටහන් කර ඇති බවයි නවකම සංඛ්‍යාලේඛණවල දැක්වෙන්නේ.
2022 දී ඔස්ටේ්‍රලියාව තුළ අලෙවි කර තිබූ සමස්ත වාහන සංඛ්‍යාව 10,81,429 ක්.
එයින්ද ඔස්ටේ්‍රලියානුවන්ගේ වැඩිම කැමැත්ත හිමිවි තිබුණේ Toyota Hi-Lux වාහන වර්ගයට බවයි පැවසෙන්නේ.
පසුගිය වසරේදි ඔස්ටේ්‍රලියාවේදි අලෙවි වී ඇති වාහන අතුරින් සියයට 21.4 ක් ටොයොටා වාහන වන අතර එයින්ද 64,000 ක් පමණ Toyota Hi-Lux වර්ගයේ වාහන වනවා.
දෙවන ස්ථානයට Mazda පත්වන්නේ සියයට 8.4 ක් හෙවත් වාහන 95,718 ක අලෙවියක් සටහන් කරමිනුයි.
වාහන 78,330 ක අලෙවියක් සමග Kia 03 වන ස්ථානයටත් – වාහන 76,991 ක අලෙවියක් සමග Mitsubishi 04 වන ස්ථානයටත් පත්වී තිබෙනවා.
වාහන 73,345 ක අලෙවියක් සහිත Hyundai 05 වන ස්ථානයටයි පත්වී ඇත්තේ.
