පසුගිය වසරේදී වික්ටෝරියා ප්‍රාන්තයේ රිය අනතුරු මරණ සංඛ්‍යාව 2021 වසරට වඩා ඉහළ ගොස් තිබෙනවා.
2021 දී සමස්ත රිය අනතුරු මරණ ගණන 233 ක් වූ නමුත් පසුගිය වසරේදී එය 240 දක්වා වැඩි වී ඇති බවයි වික්ටෝරියා ප්‍රවාහන අනතුරු කොමිසම නිකුත් කර ඇති සංඛ්‍යාලේඛණවල දැක්වෙන්නේ.
2021 දී ප්‍රාදේශීය මාර්ගවල සිදුවූ රිය අනතුරුවලදී පුද්ගලයන් 119 දෙනෙකු මියගොස් තිබූ අතර 2022 දී එය 134 ක් දක්වා ඉහළ ගොස් තිබෙනවා.
කෙසේවෙතත් 2021 වසරේදී වික්ටෝරියා නාගරික කලාපවල රිය අනතුරු මරණ 114 ක් වාර්තා වී තිබූ නමුත් පසුගිය වසරේදී එය 106 ක් දක්වා අඩුවී ඇති බවයි වික්ටෝරියා ප්‍රවාහන අනතුරු කොමිසම සඳහන් කරන්නේ.
දුරකථන භාවිත කරමින් රිය පැදවීම සහ අධික වේගය මෙම අනතුරුවලට ප්‍රධාන හේතුන් බවටයි හඳුනාගෙන ඇත්තේ.
එමෙන්ම මත්පැන් පානය කර රිය පැදවීමත් – ආසන පටි භාවිත නොකිරීමත් තවත් හේතු බව වික්ටෝරියා ප්‍රවාහන අනතුරු කොමිසම නිකුත් කර ඇති සංඛ්‍යාලේඛණවල සඳහන්.
