තවත් පැය කිහිපයකින් උදාවන 2023 නව වසර පිළිගැනීමට ඔස්ටේ්රලියානුවන් සූදානම් වනවා.
මෙවරත් ප්රධාන ගිණි කෙළි සංදර්ශනය සිඩ්නි වරාය පාලම අසළ පැවැත්වෙන අතර රාත්රී 09 ට එය ආරම්භවීමට නියමිතයි.
ඔපෙරා රගහල – සිඩ්නි වරාය පාලම අවට ස්ථාන 184 ක සිට ගිණිකෙළි මුදා හැරෙනු ඇති.
ගිණිකෙළි සංදර්ශන හොඳින් නැරඹිය හැකි ස්ථානවල ප්රවෙශපත්ර ඩොලර් 500 ක පමණ මුදලකට දැනටමත් අලෙවි කර අවසන්.
මෙල්බන් නගරයේ Treasury Gardens, Flagstaff Gardens, Docklands Celebration Zone & Marvel Stadium යන ස්ථානවල ගිණිකෙළි සංදර්ශන පැවැත්වෙන අතර රාත්රී 09.30 සිට එම උත්සව ආරම්භ වනු ඇති.
මීට සමගාමීව අනෙකුත් ප්රාන්තවල ප්රධාන නගරවලද ගිණිකෙළි සංදර්ශන සහ නව වසර උදාව පිළිගැනීමේ උත්සව සංවිධාන කර තිබෙනවා.
බ්රිස්බන් නුවර ගිණි කෙළි සංදර්ශන රාත්රී 08.30 ට ආරම්භවීමට නියමිතයි.
ඇඩිලේඩ් නුවර නව වසර උදාවේ සංදර්ශන පස්වරු 06 ට ආරම්භ කෙරෙන අතර ගිණි කෙළි සහ ආලෝක ධාරා සංදර්ශන රාත්රී 09.30 සිට පැවැත්වෙනු ඇති.
පර්ත් – හෝබාට් – ඩාර්වින් සහ කැන්බරා යන නගරවල නව අවුරුදු උදාවේ සංදර්ශන එක් එක් නගරයේ වේලාවෙන් රාත්රී 09 ත් 09.30 ත් අතර ආරම්භවීමටයි සැළසුම් කර ඇත්තේ.
