නව වසර උදාවේ ඔස්ටේ්‍රලියාවේ එක් එක් ප්‍රධාන නගරවල ගිණි කෙළි සංදර්ශන පැවැත්වෙන ස්ථාන සහ ආරම්භවන වේලාවන් ප්‍රකාශයට පත් කර තිබෙනවා.
මෙවරත් එහි ප්‍රමුඛ ස්ථානය සිඩ්නි නගරයට හිමිවී ඇති අතර වරාය පාලම අසළ සංදර්ශනය රාත්‍රී 09 ට ආරම්භ වනවා.
මුදල් ගෙවා ස්ථාන වෙන් කරවා ගැනීම් සියල්ල මේ වනවිට අලෙවි වී ඇති බව සඳහන්.
මෙල්බන් නගරයේ ගිණි කෙළි සංදර්ශන රාත්‍රී 09.30 ට ආරම්භ වන අතර එහි උච්චතම අවස්ථාව මධ්‍යම රාත්‍රියටයි යෙදී ඇත්තේ.
බ්‍රිස්බන් නුවර ගිණි කෙළි සංදර්ශන රාත්‍රී 08.30 ට ආරම්භවීමට නියමිතයි.
ඇඩිලේඩ් නුවර නව වසර උදාවේ සංදර්ශන පස්වරු 06 ට ආරම්භ කෙරෙන අතර ගිණි කෙළි සහ ආලෝක ධාරා සංදර්ශන රාත්‍රී 09.30 සිට පැවැත්වෙනු ඇති.
පර්ත් – හෝබාට් – ඩාර්වින් සහ කැන්බරා යන නගරවල නව අවුරුදු උදාවේ සංදර්ශන එක් එක් නගරයේ වේලාවෙන් රාත්‍රී 09 ත් 09.30 ත් අතර ආරම්භවීමටයි සැළසුම් කර ඇත්තේ.
