ජනවාරි පළමු වැනිදා සිට දිවයිනට පැමිණෙන සහ පිටව යන විදේශිකයන්ට සහ ශ්‍රී ලාංකිකයන්ට ඔවුන් විසින් පිරවිය යුතු පැමිණීමේ සහ පිටවීමේ කාඩ්පත මාර්ගගත ක්‍රමයට පිරවීමට පහසුකම් සළසා දී තිබෙනවා.
ඒ අනුව ආගමන හා විගමන දෙපාර්තමේන්තුවේ www.immigration.gov.lk නිල වෙබ් අඩවියට හෝ eservices.immigration.gov.lk වෙබ් පිටුවට පිවිසීමෙන් පිටව යාමට හෝ පැමිණීමට දින තුනකට පෙර අදාළ කාඩ්පත පිරවීමට පහසුකම් පවතින බවයි රජයේ ප්‍රවෘත්ති දෙපාර්තමේන්තුව සඳහන් කළේ.
ගුවන්තොටුපළේ දී මගීන්ට ඇතිවන අපහසුතාවයන් මඟ හරවාගැනීමේ අරමුණින් මෙම පියවර ගෙන ඇති බව සඳහන්.
