2022 වසර සඳහා ඔස්ටේ්‍රලියාවේ බලගතුම චරිතය ලෙස අගමැති ඇන්තනී ඇල්බනීස් නම් කර තිබෙනවා.
ඒ Australian Financial Review සමීක්ෂණයට අනුවයි.
පසුගිය වසරේ ලැයිස්තුවට අනුව එවක විපක්ස නායක වත්මන් අගමැති ඇල්බනීස් රැඳී සිටියේ 09 වන ස්ථානයේයි.
පසුගිය මැයි මාසයේ පැවති මැතිවරනය ජයගැනීමත් සමග ඔහුගේ ජනප්‍රියත්වය සීඝ්‍රයෙන් ඉහළයාමයි මීට හේතුවී ඇත්තේ.
මෙවර මුල් ස්ථාන 10 සැළකීමේදී ෆෙඩරල් භාණ්ඩාගාරික ජිම් චාමර්ස් 02 වන ස්ථානයේත් – විදේශ ඇමතිනී පෙනී වොංග් 03 වන ස්ථානයේත් පසුවනවා.
ආරක්ෂක ඇමති රිචර්ඩ් මාර්ල්ස් 05 වන ස්ථානයටත් – ෆෙඩරල් සංචිත බැංකුවේ අධිපති ෆිලිප් ලෝ 07 වන ස්ථානයටත් – වත්මන් විපක්ෂ නායක පීටර් ඩට්න් 10 වන ස්ථානයටත් ඇතුලත් වනවා.
පසුගිය වසරේ ලැයිස්තුවේ මුල් ස්ථාන 10 ට ඇතුළත්ව සිටි හිටපු අගමැති ස්කොට් මොරිසන් මෙන්ම වික්ටෝරියා – නිවු සවුත් වේල්ස් – බටහිර ඔස්ටේ්‍රලියා සහ ක්වීන්ස්ලන්ඩ් අගමැතිවරුන් මෙවර ලැයිස්තුවට ඇතුළත් නොවීමද විශේෂත්වයක්.
