නත්තල් ත්‍යාග ලෙස සුනඛයන් දීමෙන් වළකින්නැයි සත්ව සුබසාධන ආයතන ඔස්ටේ්‍රලියානුවන්ට දන්වා සිටිනවා.
උත්සව සමයෙන් පසු ඇතැමුන් එම සත්වයන් අතහැර දැමීම ඊට හේතුවයි.
දිනකට එලෙස විශාල සුනඛයන් පිරිසකට නව රැකවරණ නිවාස සොයාදීමට සිදුවන බවත් එය ඉතා අසීරු කරුණක් බවත් සත්ව සුබසාධන සංවිධාන අවධාරණය කරනවා.
2018 වසරේදී අතහැර දමාගොස් තිබූ සුනඛයන් සංඛ්‍යාව 581 ක් වූ අතර මෙම වසරේ ගතවූ කාලය තුළදී සුනඛයන් 852 දෙනෙකු එලෙස හමුවී තිබුණා.
මෙම තත්වය ඔස්ටේ්‍රලියාවේ එක් ප්‍රාන්තයකට සීමාවූ ගැටලුවක් නොවන බවත් සත්ව සුබසාධන සංවිධාන සඳහන් කරනවා.
