ගුවන් මගීන් 100,000 කට වැඩි පිරිසක් අද දිනයේදී මෙල්බන් ජාත්‍යන්තර ගුවන් තොටුපළ හරහා ගමන් කරනු ඇති බවට අනාවැකි පළවනවා.
එමෙන්ම නත්තල් දිනයට පෙර වැඩිම පිරිසක් මෙරට ගුවන් තොටුපළ හරහා ගමන් කරන දිනය බවට හෙට දිනය පත්වනු ඇති බවටද පුරෝකථනය කර තිබෙනවා.
සිඩ්නි ජාත්‍යන්තර ගුවන් තොටුපළේද අද සහ හෙට දැඩි කාර්යබහුල බවක් අපේක්ෂා කෙරෙනවා.
වසර 03 කට පසුව කිසිදු කොවිඩ් රෙගුලාසියක් නොමැතිව ඔස්ටේ‍රලියානුවන් විසින් නත්තල සමරන පළමු අවස්ථාව මෙය වීම ඊට හේතුවයි.
එමෙන්ම ගොඩබිම් මාර්ග භාවිත කරමින්ද විශාල පිරිසක් නත්තල් නිවාඩුව ගත කිරීම සඳහා පිටත්ව යන බැවින් රිය ධාවනයේදීත් විමසිලිමත්වන ලෙසට ඉල්ලීමක් කෙරෙනවා.
