පවතින ආර්ථික තත්වය හමුවේ වික්ටෝරියා ප්‍රාන්තවාසීන් මුහුණදෙන ගැටලු පිළිබඳ නවතම වාර්තාවක් නිකුත් කර තිබෙනවා.
ඒ අනුව ඉතුරුම් මුදල් යොදා ගනිමින් දෛනික මිළදී ගැනීම් සිදුකිරීම මෙන්ම මුදල් ණයට ගැනීම් ද ඉහළ ගොස් ඇති බවයි එහි දැක්වෙන්නේ.
ඉහළ වියදම හේතුවෙන් ඇතැම් වෛද්‍ය ප්‍රතිකාර ලබාගැනීම ප්‍රමාද කිරීමටද වික්ටෝරියානුවන් කටයුතු කරමින් සිටින බවයි අනාවරණ වී ඇත්තේ.
පසුගිය මාස 06 තුළ සිය ආර්ථික තත්වය පිළිබඳ වික්ටෝරියානුවන් 1500 ක් සහභාගී කරගනිමින් සිදුකල සමීක්ෂණයකදී මේ බව හෙළිවී තිබෙනවා.
නිවාස කුළියට සිටින්නන් සියයට 17 ක් පමණ පසුගිය මාස තුළදී අවම වශයෙන් එක් අවස්ථාවකදී හෝ ආහාර වේල් මග හැර ඇති බවයි මෙහිදී තහවුරු වී ඇත්තේ.
උකස් ණය වාරික ගෙවීම ද වික්ටෝරියානුවන් මුහුණ දෙන ප්‍රධානම ගැටලුවක් බව මෙම වාර්තාවේ දක්වා තිබෙනවා.
