child care ගාස්තු ඉහළ යාම සම්බන්ධයෙන් විමර්ශනයක් පවත්වන ලෙස ෆෙඩරල් රජය විසින් පාරිභෝගික කොමිසමට උපදෙස් දී තිබෙනවා.
ඒ අනුව ලබන ජනවාරි මාසයේ සිට වසරක් පුරා එම විිමර්ශනය පැවැත්වීමටයි නියමිතව ඇත්තේ.
child care ගාස්තු ඉහළ යාමට සැබෑ හේතුව ජීවන වියදම ඉහළයාමද වෙනත් හේතුවක්ද යන්න මෙහිදී සොයා බැලෙනු ඇති.
ගතවූ වසර 08 තුළදී child care ගාස්තුවල ඉහළයාම සියයට 41 ක් බව ෆෙඩරල් රජය විසින් මෑතකදී සිදුකල සමීක්ෂණයකදී අනාවරණ වී තිබුණා.
මේ අතර ලබන වසරේ ජූලි මාසයේ සිට child care ගාස්තු සඳහා පවුල් රැසකට බලපාන පරිදි සහනයක් ලබාදීමටත් ෆෙඩරල් රජය සූදානමින් පසුවනවා.
පාරිභෝගික කොමිසම විසින් සිදුකරන සමීක්ෂණය සඳහා ලබන වසර සඳහා වන අයවැයෙන් ඩොලර් මිලියන 11 ක් වෙන් කිරීමටද යෝජනා වී තිබෙනවා.
