පසුගිය සෙනසුරාදා මෙල්බන් හිදී පැවති A ලීග් පාපන්දු තරගය අතරතුර කළහකාරීව හැසිරුණු පුද්ගලයන්ගේ ඡායාරූප මාධ්‍ය වෙත නිකුත් කර තිබෙනවා.
පුද්ගලයන් 150 කට ආසන්න පිරිසක් එදින පිටිය මැදට කඩා වැදීම හමුවේ දැඩි නොසන්සුන් තත්වයක් නිර්මාණය වූ අතර ක්‍රීඩකයෙකු සහ තරග තීරකවරයෙකු තුවාල ලැබුවා.
ඡායාරූප අතර සිටින දෙදෙනෙකු දැනටමත් පොලිසිය වෙත පැමිණ ප්‍රකාශ දී ඇති බවයි වික්ටෝරියා ප්‍රාන්ත පොලිසිය සඳහන් කලේ.
මේ අතර A ලීග් තරගාවලිය අතරතුර ක්‍රීඩාංගණය වෙත කඩාවදින ප්‍රේක්ෂකයන්ට එරෙහිව දැඩි පියවර අනුගමනය කරන බවට Football Australia සහතික වනවා.
ඔවුන්ට ජීවිත කාලයටම බලපැවැත්වෙන පරිදි ක්‍රීඩාංගණ තහණම් පැණවීම කෙරෙහිද අවධානය යොමු කර ඇති බවයි Football Australia සඳහන් කරන්නේ.
