බදු කපා හැරීම් හමුවේ වසර 10 කදී මධ්‍යම රජයට අහිමිවන ආදායම ඩොලර් බිලියන 254 දක්වා ඉහළ යනු ඇති බවට තක්සේරු කර තිබෙනවා.
එය ඩොලර් බිලියන 243 ක් වනු ඇති බවට පුරෝකථනය කර තිබූ නමුත් ආර්ථික කරුණු වෙනස්වීම හමුවේ එම අගය වැඩි වනු ඇති බවයි ෆෙඩරල් භාණ්ඩාගාරික අමාත්‍ය ජිම් චාමර්ස් පවසන්නේ.
යෝජිත බදු කපා හැරීම් හමුවේ 2024 වසරේ ජූලි මාසයේ සිට වාර්ෂික ආදායම ඩොලර් 45,000 ත් 200,000 ත් අතර උපයන පුද්ගලයන් සියයට 30 ක උපරිම බදු ප්‍රතිශතයකට පමණක් යටත් කෙරෙනු ඇති.
මෙමගින් මැදි ආදායම් ලබන විශාල පිරිසකට සෙත සැළසෙනු ඇති බවටයි අනාවැකි පළවන්නේ.
පැවති ස්කොට් මොරිසන් රජය විසින් 2018-2019 කාලසීමාවේදීයි මෙම නීති සම්මත කරගනු ලැබුවේ.
