විෂ සහිත නිවිති ආහාරයට ගැනීමෙන් රෝගාතුරවූවන් සංඛ්‍යාව 100 ඉක්මවා ගොස් තිබෙනවා.
ඉන් 88 දෙනෙකුම නිවු සවුත් වේල්ස් ප්‍රාන්තයෙන් වන අතර වික්ටෝරියාවේ 11 දෙනෙකුද රෝගාතුර වී ඇති බව සඳහන්.
ACT සහ ක්වීන්ස්ලන්ඩ් ප්‍රාන්ත සෞඛ්‍ය අංශ විසින්ද මෙම සිද්ධියට අදාළ සැකකටයුතු රෝගීන් කිහිප දෙනෙකු පිළිබඳ විමර්ශන ආරම්භ කර ඇති බව සඳහන්.
උද්ගතව ඇති තත්වය හමුවේ Costco – ALDI – Woolworths සහ Coles යන සුපිරි වෙළඳ සැල් ජාල 04 විසින්ම නිවිති ආශ්‍රිත නිෂ්පාදන යළි කැඳවා ඇති අතර දැනටමත් මිළදී ගෙන ඇති නිෂ්පාදන වෙතොත් වහා භාවිතයෙන් ඉවත් කරන ලෙසයි දන්වා ඇත්තේ.
Riviera Farms සන්නාමය යටතේ වෙළඳපොළට නිකුත් කරන ලද baby spinach විශේෂයක් භාවිත කල පාරිභෝගිකයන් පිරිසකුයි පළමුවෙන් රෝගාතුර වී තිබුණේ.
