ඔස්ටේ්‍රලියාව තුළ ගුවන් තොටුපළ කිහිපයක ආරක්ෂක සේවකයන් වැඩවර්ජනයකට සූදානම් වනවා.
ලබන සිකුරාදා කැන්බරා ගුවන් තොටුපළේත් එළඹෙන සතියේ සඳුදා දින බ්‍රිස්බන් සහ ගෝල්ඩ් කෝස්ට් ගුවන් තොටුපළවලත් මෙම වර්ජන ක්‍රියාත්මක කෙරෙනු ඇති.
සියයට 10 ත් 15 ත් අතර අගයකින් වැටුප් වැඩිකල යුතු බවට ඉල්ලා සිටිමිනුයි මෙම වෘත්තිය ක්‍රියාමාර්ග සැළසුම් කර ඇත්තේ.
නත්තල් නිවාඩු ගත කිරීම වෙනුවෙන් වෙනත් ප්‍රදේශවලට හෝ වෙනත් රටවලට යාමට අපේක්ෂාවෙන් සිටින විශාල පිරිසකට මෙමගින් දැඩි බලපෑම් එල්ලවනු ඇති බවටයි අනාවැකි පළවන්නේ.
කිසිදු කොවිඩ් රෙගුලාසියකින් තොරව ඔස්ටේ්‍රලියානුවන් විසින් වසර 03 කට පසුව සමරන පළමු නත්තල් උත්සවය මෙයයි.
එබැවින් වර්ජනවලින් තොරව මෙම ගැටලුව විසඳා ගැනීම කෙරෙහියි බළධාරීන්ගේ අවධානය යොමුවී ඇත්තේ.
