HSC විභාගයේ ප්‍රථිඵල බලාගැනීමට ඇතැම් සිසුන්ට කලින්ම අවස්ථාව ලැබී ඇතැයි කියන සිදුවීම සම්බන්ධයෙන් නිවු සවුත් වේල්ස් අධ්‍යාපන අධිකාරිය විමර්ශනයක් ආරම්භ කර තිබෙනවා.
මූලික ප්‍රථිඵල නිකුත් කිරීමට නියමිතව ඇත්තේ ලබන බ්‍රහස්පතින්දා දිනයේදීයි.
එහෙත් අද පෙරවරුව වනවිට ඇතැම් සිසුන්ට ප්‍රථිඵල ලබාගැනීමට අවස්ථාවක් හිමිවී ඇති බවටයි වාර්තා පළවී ඇත්තේ.
මේ සම්බන්ධයෙන් සිසුන් සමාජ මාධ්‍යවල පළකිරීම් ද දක්නට ලැබුණා.
කෙසේවෙතත් මේ සම්බන්ධයෙන් සමාව අයදින බවත් වහා විමර්ශනයක් ආරම්භ කරන බවත් නිවු සවුත් වේල්ස් අධ්‍යාපන අධිකාරිය කියාසිටියා.
