ෆෙඩරල් සංචිත බැංකුව විසින් ඉහළ දමන ලද cash rate අගයන්ට සමානුපාතිකව ප්රධාන බැංකු විසින් සිය පොළී අනුපාතික ඉහළ දමන දින වකවානුද ප්රකාශයට පත් කර තිබෙනවා.
ඒ අනුව දෙසැම්බර් 20 වනදා සිට නිවාස ණය පොළී අනුපාතික 0.25 කින් ඉහළ දමන බවයි වෙස්ට්පැක් බැංකුව නිවේදනය කලේ.
ඉතුරුම් ගිණුම් සඳහා පොළී අනුපාතික ඉහළ දැමීම දෙසැම්බර් 16 වනදා සිට බලාත්මක කෙරෙන බවද ඔවුන් සඳහන් කලා.
NAB සහ ANZ යන බැංකු විසින් උකස් පොළී අනුපාතික ඉහළ දැමීම සිදුකරනු ලබන්නේ ලබන 16 වනදා සිටයි.
වසර 10 කට පසු ඔස්ටේ්රලියාවේ cash rate අගය ඉහළම අගයට අද පත්වුණා.
ඒ සියයට 2.85 ක්ව පැවති cash rate අගය පදනම් ඒකක 25 කින් හෙවත් සියයට 0.25 කින් වැඩි කිරීමට ෆෙඩරල් සංචිත බැංකුව තීරණය කිරීමත් සමගයි.
මේ අනුව 2012 වසරේ නොවැම්බර් මාසයේ සියයට 3.25 ක් ව පැවති cash rate අගය වසර 10 කට පසු ඉහළම අගයකට පත්ව තිබෙනවා.
ඔස්ටේරලියාව මුහුණදී ඇති අධික උද්ධමනය මීට ප්රධාන හේතුව බවයි ෆෙඩරල් සංචිත බැංකු ප්රධාන ෆිලිප් ලෝ අද පැවති මාධ්ය හමුවකදී කියාසිටියේ.
පසුගිය මැයි මාසයේදී මෙරට cash rate අගය සියයට 0.1 ක් ලෙස පැවති අතර ගතවූ මාස 08 තුළදී එය සියයට 03 කින් ඉහළ ගොස් තිබෙනවා.
මේ අනුව වසර 25 ක් සඳහා ඩොලර් ලක්ෂ 05 ක උකස් ණයක් ගෙන ඇති අයෙකුගේ මාසික වාරික මුදල තවත් ඩොලර් 75 කින් වැඩිවනු ඇති.
එනම් මාස 08 ක් තුළදී වාරික වැඩිවීම ඩොලර් 834 ක්.