අයි එස් සංවිධානයේ ක්‍රියාකාරීන් දෙදෙනෙකු ලෙස කටයුතු කල ඔස්ටේ්‍රලියානුවන් දෙදෙනෙකු මෙරටට පිටුවහල් කර එවා තිබෙනවා.
මෙල්බන් උපත ලබා දැනට 31 වන වියෙහි පසුවන නීල් ප්‍රකාශ් නමැත්තා තුර්කියේ සිට ඩාර්වින් දක්වා පැමිණිමෙන් පසු ඔස්ටේ්‍රලියා ෆෙඩරල් පොලිසිය විසින් අත්අඩංගුවට ගනු ලැබුවා.
ඔහු අද ඩාර්වින් අධිකරණයකට ඉදිරිපත් කෙරුණු අතර මෙල්බන් රැඳවුම් මධ්‍යස්ථානයකට හුවමාරු කරන්නැයි කල ඉල්ලීමට එහිදී අනුමැතිය ලැබී තිබෙනවා.
අයි එස් සංවිධානයේ වඩාත් දරුණුතම ඔස්ටේ්‍රලියානුවා ලෙසද නම් කර ඇත්තේ මෙම තැනැත්තායි.
සිරියාවේ අයි එස් සංවිධානය සමග එක්ව සටන් කිරීමේ චෝදනා මත මොහු 2016 දී තුර්කියේදී අත්අඩංගුවට ගනු ලැබුවා.
අයි එස් ක්‍රියාකාරකම් සඳහා ඔස්ටේ්‍රලියානුවන් බඳවා ගැනීමේ කටයුතුද නීල් ප්‍රකාශ් විසින් සිදුකර තිබුණා.
ANZAC දිනයේදී මෙල්බන් නගරයේදී පොලිස් නිළධාරියෙකුගේ ගෙල කපා ඝාතනය කිරීමටද මොහු සැලසුම් කර තිබූ සඳහන්.
පැවති ලිබරල් සන්ධාන රජය මොහුගේ ඔස්ටේ්‍රලියානු පුරවැසිභාවය අහෝසි කිරීමට උත්සාහ කලද මහාධිකරණය එය ප්‍රතික්ෂේප කරනු ලැබුවා.
මේ සමගම තවත් අයි එස් ක්‍රියාකාරිකයෙකුද ඩාර්වින් දක්වා රැගෙනවිත් තිබෙනවා.
