ඔස්ටේ්‍රලියානු පොලිස් අංශ වෙත වාර්තාවන ලිංගික හිංසන සංඛ්‍යාව අඛණ්ඩව 10 වන වසරටත් ඉහළ ගොස් තිබෙනවා.
පසුගිය වසරේදී ලිංගික අපචාර සම්බන්ධ පැමිණිලි 31,118 ක් වාර්තා වී ඇති අතර ඔස්ටේ්‍රලියානු සංඛ්‍යාලේඛණ කාර්යාංශයේ 29 වසරක වාර්තා අනුව ඉහළම අගය එයයි.
මින් 2/3 ක්ම වයස අවුරුදු 18 ට අඩු දැරියන් හිංසනයන්ට ලක්වු සිදුවීම් වනවා.
2020 වසර හා සැසඳීමේදී වැඩිම ලිංගික හිංසන ප්‍රතිශතයක් සටහන්වී ඇති ප්‍රාන්තය බවට ක්වීන්ස්ලන්ඩ් පත්ව තිබෙනවා.
එම ප්‍රතිශතය සියයට 35 ක්.
බටහිර ඔස්ටේ්‍රලියාවේ සියයට 17 ක් ලෙසද – වික්ටෝරියා හි සියයට 12 ක් ලෙසද ලිංගික අපරාධ සංඛ්‍යාව ඉහළ ගොස් තිබෙනවා.
Northern Territory හි අපචාර පැමිණිලි සංඛ්‍යාව 2020 වසරට සාපේක්ෂව සියයට 04 කින් පහළගොස් තිබීම විශේෂත්වයක්.
