කොවිඩ් රෙගුලාසි කඩ කිරීමට අදාළව නිකුත් කල දඩ පත්රිකා ඉවත් කරගන්නැයි වික්ටෝරියා ප්රාන්ත රජයටද ප්රබල ඉල්ලීම් ගණනාවක් ඉදිරිපත් වී තිබෙනවා.
ඒ නිවු සවුත් වේල්ස් ප්රාන්ත රජය විසින් එවැනි දඩ පත්රිකා 33,000 කට අධික සංඛ්යාවක් ඉවත් කරගැනීමට තීරණය කිරීමත් සමගයි.
එම දඩ පත්රිකාවල දක්වා ඇති හේතු අපැහැදිලි මෙන්ම අදාළ නොවන බවටයි නීති සමාගමක් විසින් අධිකරණය හමුවේ තර්ක කර තිබුණේ.
මේ සම්බන්ධයෙන් වික්ටෝරියා ප්රාන්ත නීතිපතිවරයා සමග සාකච්ඡා කර අවසන් තීරණයක් ගන්නා බව වික්ටෝරියා ප්රාන්ත රජය පවසනවා.
කොවිඩ් සමයේ වික්ටෝරියා ප්රාන්තය තුළදී නිකුත් කර තිබූ දඩ සංඛ්යාව 30,000 කට අධිකයි.