කොවිඩ් වසංගත සමයේ රහසිගතව ඇමති ධුර කිහිපයක දිවුරුම් දීමේ සිදුවීම සම්බන්ධයෙන් හිටපු අගමැති ස්කොට් මොරිසන්ට එරෙහි යෝජනාව පාර්ලිමේන්තුවේදී සම්මත වුණා.
එම යෝජනාවට පක්ෂව ඡන්ද 86 ක් ලැබුණු අතර විපක්ෂව ලැබී ඇත්තේ ඡන්ද 50 ක් පමණයි.
මේ අනුව නියෝජිත මන්ත්‍රී මණ්ඩලය විසින් ක්‍රියාකලාපය හෙළා දකින යෝජනාවක් සම්මත කල ඔස්ටේ්‍රලියාවේ පළමු හිටපු අගමැතිවරයා බවට ස්කොට් මොරිසන් පත්වනු ඇති.
අගමැති ඇන්තනී ඇල්බනීස් මෙන්ම හිටපු අගමැති ස්කොට් මොරිසන්ද අද පැවති විවාදයේදී අදහස් දක්වනු ලැබුවා.
ස්කොට් මොරිසන් කියාසිටියේ තමා අතින් යම් අතපසුවීම් සිදුවුයේ යැයි පිළිගන්නා බවයි.
ඇමතිධුරවල දිවුරුම්දීම පිළිබඳ එවක රජයේ ප්‍රධානීන් දැනුවත් කිරීම තම කාර්යාලය මගින් සිදුවනු ඇතැයි අපේක්ෂා කලද එය එසේ සිදුවී නැතැයිද හිටපු අගමැතිවරයා සඳහන් කලා.
මේ අතර අගමැති ඇන්තනී ඇල්බනීස් චෝදනා කලේ ස්කොට් මොරිසන් විසින් ප්‍රජාතන්ත්‍රවාදය විනාශ කල බවටයි.
අගමැතිවරයා ලෙස ඔහු වගකීම් විරහිතව කටයුතු කර ඇති බවටයි ඇන්තනී ඇල්බනීස් චෝදනා කලේ.
