නිවු සවුත් වේල්ස් ප්‍රාන්තයේ හෙදියන් දහස් ගණනක් සේවයෙන් ඉවත්ව පැය 24 ක වැඩ වර්ජනයක් ආරම්භ කර තිබෙනවා.
ප්‍රාන්තය පුරා රෝහල්වල කාර්ය මණ්ඩලය ප්‍රමාණවත් නොවන බැවින් වහා පුරප්පාඩු සම්පූර්ණ කරන ලෙස ඉල්ලමිනුයි හෙට පෙරවරු 07 දක්වා ඔවුන් මෙම වෘත්තීය ක්‍රියාමාර්ගය ආරම්භ කර ඇත්තේ.
නිවු සවුත් වේල්ස් හෙදියන් මෙම වසර තුළදී ක්‍රියාත්මක කරන 04 වන වර්ජනය මෙයයි.
එක් සේවා මුරයකදී එක් හෙදියකට වගකීම පැවරෙන රෝගීන් සංඛ්‍යාව 04 ක් දක්වා අඩු කරන්නැයිද ඔවුන් ඉල්ලා සිටිනවා.
මේ අතර බටහිර ඔස්ටේ්‍රලියා ප්‍රාන්ත රජය විසින් ලබාදීමට එකගවූ සියයට 03 ක වැටුප් වැඩිවීම ප්‍රතික්ෂේප කරමින් ප්‍රාන්තයේ හෙදියන් ලබන සිකුරාදා දිනයේදී වැඩ වර්ජනයක නිරතවීමට තීරණය කර තිබෙනවා.
ඔවුන්ගේ ඉල්ලීම වන්නේ සියයට 05 ක වැටුප් වැඩිවීමක් හිමිවිය යුතු බවයි.
